Munnamateeka Dan Wandera Ogalo ,awadde oludda oluvuganya government amagezi nti ezimu ku nnongosereza zeruba lusaako essira, kwekukendeeza omuwendo gw’ababaka ba parliament.
Agambye nti ababaka bangi naye tebalina byebateeseza ggwanga, gyagambye nti bannansi bagenda kutuuka ekiseera nga tebakyagisobola kugirabirira
Munnamateeka Dan Ogalo asinzidde mu kulungaana lw’oludda oluvuganya government olugenda mu maaso ku woteeri ya Common wealth Resort e Munyonyo, ,okukungaanya ebirowoozo ku nnongosereza mu ssemateeka w’eggwanga n’amateeka agafuga ebyokulonda.
Yewuunyizza engeri eggwanga eryavu nga Uganda gyerisobola okubeeera ne parliament ennene bwetyo erimu ababaka 529.
Munnamateeka Ogalo Wandera agambye nti parliament ennene bwetyo, etteeka akazito ku byenfuna byeggwanga ,bannayuganda nebattikibwa omugugu gwokubalabirira, nga nga nebyebateeseza eggwanga tebirabika.
Obuzibu abutadde ku parliament yennyini gyagambye nti tegoberera mateeka agalambikiddwa obulungi mu ssemateeka w’eggwanga mu kutondawo constituencies zino.
Dan Wandera Ogalo awabudde nti eggwanga liddeyo ku nnono ne ssemateeka w’eggwanga,bwekiba kyakutondawo constituencies ,wasooke kubeerawo okubala kw’abantu okweggwanga lyonna okumanya omuwendo gw’abantu abawangaalira mu kitundu, ekyagala okukiwa consitituency.
Awabudde nti era kyekiseera ne offisi y’omumyuka wa president esuumusibwe, president bwaba agenda kwesimbawo ,yesimbewo n’omumyuka we bannansi babakubeko lumu akalulu nga bwekiri e Kenya.
Agambye nemirimu gy’omumyuka wa president girambikibwe, aleme kubeera wakutwala mabugo omukulembeze weggwanga gaaba amuttise nga bwekiri mu kiseera kino.
Dan Wandera Ogalo munnamateeka avumiridde eky’abakulembeze abamenya amateeka ge ggwanga. Awadde eky’okulabirako nti kikyamu ,ekyamunnamaggye yenna okwenyigira mu by’obufuzi nga tasoose kuwummula magye.
Ogalo agambye nti ebikolebwa mutabani w’omukulembeze w’eggwanga Gen Muhoozi Kaineruga nti biraga ng’ayagala okwesimbawo ku bwa president, nti bimenya amateeka g’eggwanga nti kuba akyali munnamagye. wabula agambye nti ekisinga okukwasa ennaku nti te waliwo ababaka ba parliament abakola amateeka ate abamuwerekera mu kumemya amateeka gensi eno
Akulira oludda oluvuganya gavument Mathias Mpuuga Nsamba agambye nti ssemateeka weggwanga azze ataagulwataagulwa nga kyekiseera emigigi egyenjawulo egyaliwo ng’qbagibwa neegyo egitaaliwo giweeyo ebirowoozo byaagyo ,eggwanga lifune ssemateeka azingiramu ebirowoozo byabannansi bonna ,kulwobulungi bweggwanga era lwerugendo lwebatandise okubagako.#
