Government ya Uganda eyagala kutandikawo University esomesa eby’emikono ku mutendera gwa certificate, diploma, degree n’ebisingako.
Enteekateeka eno eri mu bbago ly’etteeka government lyeyanjudde mu parliament mwegenda okuyita okulungamya okusomesa eby’emikono, amatendekero g’ebyemikono n’abassomesa eby’emikono erya ‘The Technical Vocational Education and Training Bill 2024’
Mu bbago lino, government era eyagala okugatta amatendekero gonna agabaddewo agakwata ku by’emikono, okuli eryassaawo ebbanguliro ly’abakozi ba Woteeri, eby’obulambuzi n’ebirala
Mu bbago lino, government eyagala okusalawo akakiiko aka TVET council (Technical Vocational Education and Training council) nga kekaggya okulungamya amatendekera g’ebyemikono, okugawa license, okubaga ebirina okusomesebwa mu matendekero ago, okuwandiika n’okuwa certificate eri abasomesa b’ebyemikono, saako okuwandiika abali mu mulimu gw’ebyemikono, okuli ababazzi, ababumbi n’abalala.
Government era eyagala kuteekawo ekittavu ky’ebyemikono ki Skills Development Fund nga kyakuvangamu ensimbi ezibangula abasomesa abanaasomesa eby’emikono.
