Police ye Buloba ku luguudo lwe Mityana mu district ye Wakiso, eri ku muyiggo ogw’abazigu abe bijambiya abalumbye ebyalo 4 mu bitundu bye Buloba nebatematema abantu nekigendererwa ekitanamanyika.
Abazigu bano obwedda buli muntu gwebasanga ebweru nga bamuzindukiriza nebamutematema ebijambiya nebeeyongerayo, era abatuuze bagamba nti tebalina muntu yenna gwebanyaguludde kintu kyonna.
Ebyalo ebiri ku bunkenke kwekuli Buloba Kapeeka,Buloba Bbulwa Zone ,Ttomi ne Kiwumu.
Abatuuze bagamba nti abamu kubatemeddwa, baasangiddwa mu binaabiro nga banaaba ,ate abalala babasanze ku pikipki nga badda waka.
Mugerwa Moses Kansala ekiikirira Buloba ku district e Wakiso agambye nti abamu ku baatemeddwa, 2 bali mu ddwaliro e Mulago embeera yabwe etiisa,naasaba abebyokwerinda babayambeko ku mbeera etuuse mu kitundu kyabwe.
Guno si gwemulundi ogusoose nga bakijambiya balumba abantu era ebijambiya bino,byatandikira mu bitundu bye Masaka mu 2017 era abantu abasoba mu 30 baafa mu bulumbaganye obw’akolebwa ebiseera ebyo, nga negyebuvudeko bakijambiya balumba abantu e Nansana nebabatemaatema.#
Bisakiddwa: Lukenge Sharif
