Ekibiina ekiddukanya omupiira mu bitundu eby’obuvanjuba n’amasekati ga Africa ekya CECAFA, kironze Rwanda okutegeka empaka za club empaguzi eza CECAFA Kagame ez’emirundi 2 egiddako.
Rwanda egenda kutegeka empaka eza 2027 ne 2028, ate nga era yeyategese n’empaka ez’omwaka guno 2026 ezawanguddwa club ya Rayon Sport eya Rwanda.
Rayon Sport okuwangula empaka zino yamezze Gor Mahia eya Kenya ku goolo 2-1 mu kisaawe kya Amahoro Stadium mu kibuga Kigali.
Vipers ye yakikiridde Uganda mu mpaka ez’omwaka guno kyokka teyavudde mu kibinja.
Mu mbeera yeemu CECAFA ekowoodde bonna abagaala okutegeka empaka za CECAFA Senior Challenge Cup okutekamu okusaba kwabwe.
Empaka za CECAFA Senior Challenge Cup zibadde zaakoma okutegekebwa mu 2021 e Ethiopia, Tanzania ye yasemba okuziwangula.
Uganda yekyasinze okuwangula empaka zino emirundi 15, nga yasemba kuziwangula mu 2019.
Bisakiddwa: Isah Kimbugwe
