Government ya Uganda erinnyisizza ensimbi eziwera trillion 12 mu mbalirira y’eggwanga ey’omwaka ogujja 2026/2027, okuva ku trillion 72 n’obuwimbi 136, ey’omwaka guno ogutambula 2025/26,okutuuka ku trillion 84 n’obuwumbi 200 mu mwaka gwebyensimbi 2026/2027.
Embalirira eyanjuddwa mu parliament, erinnye okuva ku trillion 78 government zeyasooka okulambika mu mbalirira y’omwaka 2026/2027 eyali ekyali mu bubage, emanyiddwanga budget framework paper, parliament gyeyayisa mu kuntandiikwa y’omwaka guno 2026.
Minister omubeezi ow’ebyensimbi Henry Musaasizi yayanjuludde parliament embalirira y’eggwanga eyomwaka gw’ebyensimbi 2026/2027 eya trillion 84.
Agambye nti embalirira y’eggwanga eno yatekegeddwa nga yesigamizibwa ku nteekateeka y’eggwanga eya National Development Pulaani eyomutendera ogwokuna( national development plan 4) ne manifesto ya NRM.m nenteekateeka endala
Minister Musaasizi agambye nti embalirira y’omwaka 2026/2027 etunuuliddde okukulakulanya ebyobulimi, obulambuzi, okutumbula ebitone n’obuyiiya, okunyweza ebyokwerinda n’obutebenkevu bw’eggwanga, okutereeza ebyentambula , okuteekateeka empaka za AFCON nebirala
Mu mbalirira y’omwaka ogujja 2026/2027, government eteekateeka okukuηηaanya omusolo gwa trillion 44 n’obuwumbi 200, okuva ku trillion 41 zeyateekateeka okukuηηaanya mu mwaka gwebyensimbi guno ogugenda mu maaso 2025/2026
Mu mbalirira eno eya trillion 84 n’obuwumbi 200 ,government bweba yakusolooza omusolo gwa trillion 44 nobuwumbi 200 gwokka, kitegeeza ensimbi endala trillion 40 egenda kuzeewoola nokufuna obuyambi okuva mu bitongole n’amawanga agavujirira Uganda okusobola okuwanirira embalirira eno
Embalirira eno esindikiddwa eri akakiiko ka parliament akavunaanyizibwa ku mbalirira y’eggwanga yetegerezebwe.#
