Okuwuliriza omusango ogw’obutujju oguvunaanibwa omubaka wa parliament ow’essaza Butambala n’abantu abalala 24 gwngezeddwayo okutuuka nga 10 March,2026.
Omubaka Muwanga Kivumbi yaggulwaako omusango gw’obutujju nga bino byonna byava kukanyoolagano akaaliwo ku lunaku lw’okulonda president n’ababaka ba parliament nga 15 January,2026, mu bitundu eby’e Kibibi ne Gombe.
Akanyoolagano ako kaafiiramu abantu abasukka mu 7, ab’ebyokwerinda bwebaabazinda mu maka ga ba Kivumbi, ku bigambibwa nti baali balumbaganye abakuuma ddembe.
Guno gwegubadde Omulundi ogwokusatu ng’omubaka oyo atwalibwa mu kooti eyo ekulirwa omulamuzi Deogratious Ssejjemba.
Oludda oluwaabi lutegeezezza nti lukyagenda mu maaso n’okunoonyereza, kyokka kino kiwakanyiziddwa omu ku bannamateeka wa Muwanga Kivumbi, Owek. Medard Lubega Sseggona.
Munnamateeka Medard Lubega Sseggona nebanne basabye kooti egobe omusango ogwo nti olwokuba Omubaka Kivumbi takolanga sitatimenti yekuusa ku musango nti ss nga n’okunoonyereza kwa government kulimu kyekubiira mungi, nti kubanga ettemu eryakolebwa ku bantu abaasangibwa mu maka ga Muwanga Kivumbi teryogerwako.
Bisakiddwa: Patrick Sserugo
