Abayizi ba S.6 abawera emitwalo 166,402 bebasuubirwa okutuula ebigezo byabwe eby’akamalirizo batandise olwaleero nga 10 November,2025.
Abayizi abakola amasomo ga Arts batandikidde mu lupapula olukwata ku byafaayo, so ng’abakola science batandikidde mu Physics.
Ebibuuzo bya S.6 byakutambulira ku mulamwa ogugamba nti, “Obukuumi bw’ebibuuzo n’okwaniriza enkola egezesa omuyizi yenna awamu omulambalamba mu nsi eno ekyukakyuka”.
Ssenkulu wa UNEB Dan Odongi, agamba nti abayizi ba S.6 abewandiisa okukola ebigezo omwaka guno beeyongeddeko obungi bw’abayizi abasoba mu mitwalo 2 okuva kwabo emitwalo 141,996 abaatula omwaka ogwayita 2024.
Ebibuuzo by’omwaka guno bituuliddwa mu UNEB Centers 2,844 okwetolola eggwanga lyonna.
Dan Odongo agambye nti abayizi emitwalo 93,630 byebitundu 56% balenzi ate abawala bali emitwalo 77,772 nga bakola enitundu 44%.
Obutafaananako n’emitendera ebiri egyasoose ogwa S.4 ne P.7, mu S.6 abayizi abewandiisa okutuula ebigezo bya UACE abalenzi bakize kubawala obungi.
Abayizi emitwalo 102,474 bavudde mu masoomero ga bwananyini, ate abalala emitwalo 62,328 baamasomero ga government.
Bisakiddwa: Ddungu Davis
