Police mu bitundu bya West Nile ekutte abantu 2 ku bigambibwa nti babadde bateega mmotoka ezitambuza emmere y’a babundabunda nebagibba.
Abakwatiddwa ye Asara Godwin myaka 18 mutuuze wa Ananjara mu district ye Arua ne Sabute Brain myaka 21 mutuuze wa Ocoko mu Arua.
Kigambibwa nti babadde bateega emmotoka ezitwala mmere y’ababundabunda nga etwalibwa mu nkambi ya Palorinya ne bagibba.
Police egamba nti abakwate babadde bateega emmotoka ezetisse emmere y’a babundabunda ku nguudo zi mwasanjala olwo ne bazinyagako emmere.
Okukwatibwa kyaddiridde ba ddereeva abavugira ku luguudo lwa Arua – Nebbi okuyita mu tawuni ye Kamukama trading centre okwekubira enduulu, ng’ababbi bwebasusse okubabbako emmere ebeera ebatikiddwa.
Omwogezi wa police mu bitundu ebyo Josephine Angucia agambye nti abakwate babasanze ne boda boda egambibwa nti gyebabadde bakozesebwa mu bunyazi buno.#
