Police mu Kampala n’emiriraano ekutte omusajja agambibwa nti yeyali emabega w’okutemula omu ku bakuumi ba kampuni y’obwananyini eya Corporate Security Limited.
Akwatiddwa ye Alimu Caleb ng’agyiddwa ku mwalo e Gaba, nga kiteberezebwa nti yeyatemula Epodoi Moses ow’emyaka 32 eyali akolera kampuni ya Corporate Security Limited.
Epodoi Moses yasangibwa ng’atemuddwa nga 29 October,2025 okuliraana ekkanisa ya Church of Jesus Christ of latter day saints esangibwa e Kansanga.
Amyuka omwogezi wa police mu Kampala n’emiriraano Luke Owesigire agambye nti Caleb akkirizza nti ye yattemula Moses, wabula bakugenda mu maaso okunoonyereza okuzulira ddala ekyamuviirako okutemula Epodoi Moses nga yali mukuumi ku Gate y’ekkanisa.#
