Omusirikale wa police afiiriddewo n’abalala 3 baddusiddwa mu ddwaliro lye Kaliisizo nga balu bubi, bagudde ku kabenje ku luguudo oluva e Mutukula kunsalo ya Uganda ne Tanzania mu kifo ekimanyiddwa nga Mukasanvu.
Omusirikale afudde ategesekeseko limu lya Adek era nga yabadde avuga kabangali ya Police kwebabadde batambulira, nga kigambibwa nti esoose kutomerwa lukululana ebadde ku misinde.
Abasirikale ba police ne RDC Appolo Mugume batuuse mangu okutaasa abagudde ku kabenje, era abakoseddwa babaddusizza mu ddwaliro e Kaliisizo okufuna obujanjabi obusookerwako.
Bisakiddwa: Ssozi Ssekimpi Lwazi
