Akakiiko k’ebyokulonda mu ggwanga ka The Electoral Commission of Uganda mu butongole kamalirizza enteekateeka y’okuwandiika n’okusunsula abanaavuganya ku ntebe y’obukulembeze bw’eggwanga mu kalulu akajja mu 2026.
Enteekateeka eno emaze ennaku bbiri ku kitebe ky’akakiiko k’ebyokulonda e Lweza-Lubowa mu district y’e Wakiso,abantu munaana bebasuunsuddwa.
Abasunsuddwa ye; President Yoweri Kaguta Museveni (NRM), Kasibante Robert (NPP), Mabiriizi Elton Joseph (CP), Nandala Mafabi James Nathan (FDC) , Mugisha Gregory Muntuyera (ANT) , Kyagulanyi Robert Ssentamu (NUP), Munyagwa Mubarak Sserunga (CMP) ne Bulira Frank Kabinga (RPP).
Enteekateeka eno ekulembeddwamu Ssentebe w’akakiiko k’ebyokulonda Omulamuzi Simon Byabakama Mugenyi.
Omulamuzi Byabakama agambye nti oluvannyuma lw’okusunsulwa, baakutandika okukuba kkampeeyini z’okunoonya akalulu nga 29 September,2025, bwebanaaba bamalirizza okukkiriziganya ku ngeri y’okutambuzaamu kampeyini zabwe.
Abantu bonna abasunsuddwa tekuli noomu yesimbyewo nga namunigina, bonna basindikiddwa ebibiina ebyenjawulo.
Ku mulundi guno tewali mukyala noomu asunsuddwa. #UgandaDecides2026. #ECRoadmap2026
