Obulabirizi bwe Namirembe bulangiridde enteekateeka ez’okusabira n’okuwonga eggwanga ewa Mukama Katonda? asobole okuliyisa mu kulonda kwa bonna okugenda okubeerawo Omwaka ogujja 2026 mu mirembe
Okusaba kuno kwakubeerawo nga 21 September,2025 ku lutinko e Namirembe.
Rev Stephen Lumu Lwasi akulira eby’okubunyisa enjiri mu bulabirizi bw’e Namirembe yaalangiridde enteekateeka eno.
Rev Stephen Lumu Lwasi ategezeza nti kibakakattako okulaba nti basabira eggwanga naddala mukaseera nga ligenda mu by’obululu n’okulonda, lisobole okubaamu e Mirembe
Ategeezezza nti bakolaganye n’ab’eby’okwerinda okulaba nti olukuηaana lutambula bulungi, era bayie omulabirizi w’obulabirizi bwa Central Busoga Bishop Patrick Wakula okubeera omubulizi w’olunaku, nga wakwegatta ku mulabirizi we Namirembe Bishop Moses Bbanja
Peter Ssenyimba, ssentebe w’entekateeka w’okutegeka olukuηaana ategeezezza nti bataddewo empeereza ezenjawulo okuli ez’eby’obulamu, saako ekitongole kya NIRA ekigenda okuwandiisizaawo.abantu abagala endagamuntu.
Bisakiddwa: Ddungu Davis
