Police mu Kampala n’emiriraano ekutte abantu 5 abagambibwa okulumba ssemadduka webizimbisibwa owa Give and Take Hardware ne banyaga ensimbi ezisukka mu bukadde 200.
Obunyazi buno bwakolebwa mu August 2025, era police egamba nti ekozesezza camera zaayo enkessi okukwata abamu ku bantu bano , abateberezebwa okwenyigira mu bubbi buno.
Abakwate ye Junior black,Bakunda Steven, Atwine Robert Kizza olussi yeyita Muzeei Lubuto, Adekuni Brain, Musuza Rymond, Kanyerezi Stanley Ssali Andrew, Nsubuga Andrew ne Aboni Shervan.
Police egamba nti ebasaanze nezimu ku lisiiti za ssemadduka wa give and take hardware, saako obukadde bwa shs105 bwebabadde bakyalina, n’ezimu ku boda boda ezigambibwa nti zezakozesebwa okukola obunyazi buno.
Amyuka omwogezi wa police mu Kampala n’emiriraano Luke Owesigire ategezezza nti omuyiggo ku balala gukyagenda maaso, kubanga amawulire gebalina galaga nti olukwe lwalimu abantu bangi.
Luke agambye nti abakwatiddwa basuubirwa okutwalibwa mu kooti okuwerenemba ne misango omuli egy’obubbi n’ebirala.#
