Ebivudde mu bimu ku bitundu ebisunsudde
Kampala Central divison:
Akulira okulondesa mu Kampala Central Robert Mugabe agambye nti abantu 90 beebasunsuddwa okwesimbawo ku bifo ebyenjawulo wabula nga abeesimbyewo obwa Nnamunigina beebasinga obungi.
Ku bwa Mayor bwa Kampala central, Kataabu Moses, Uhuru Salim ne Anifa Mpungu basunsuddwa.
Lubaga division:
Abantu abasuka mu 200 bebakasunsulwa okuvuganya ku bifo ebyenjawulo mu gombolola eno.
Ku bano abakasunsulwa kwekuli ba meeya 4 okuli Kasibante Moses owa DF ,Siraje Kifampa owa Pff nabalala ababiri abatalina bibiina kwebajidde.
Ebifo biri 42 abesimbyewo byebalina okuvuganyaako.
Nakawa division:
Akulira eby’okulonda mu Nakawa Collebu Tukashaba agambye nti bawandiisizA abantu 141 okuvuganya ku bifo ebyenjawulo.
Abawandiisiddwa ku bwa mayor kuliko munnaNRM Susan Zawedde, owa.NUP Ali Bukeni amanyiddwa nga Nubian Li.m abazze nga tebaliba bibiina kuliko Mugerwa Nyenje Ronnie , Peterson Kamya ne Paul Mugambe.
Makindye Ssabagabo:
Akulira ebyokulonda mu district ye Wakiso, Tolbert Musinguzi, alangiridde 4 bagende bavuganye ku kifo kyobwa mayor wa Makindye Ssabagabo.
Kubano kulikayo munakibiina Kya NRM Galabuzi John Bosco Sserunkuuma, Kawuma Sadrac ne Kayongo Abas bombi bazze nnamunigina ate Zziwa Mugagga Yusfu ajidde ku NUP.
Mukono municipality:
Omuwendo gwaabo abegwanyiza obwa mayor we kibuga Mukono gweyongedde,
Abasunsuddwa kuliko Munna NRM Mulimira Micdad ne Henry Senyonjo atalina kibiina, nga bano begasse kwabo abasoose okusunsulwa okwabadde Erisa Mukasa Nkoyooyo yesimbyewo Nnamunigina, Robert Kabanda owa Nup, ne Mathew Mutyaba nga naye talina kibiina mweyajjidde.
Akulira ebyokulonda e mukono Muganzi Mark Mayanja ategeezezza nti omuwendo gw’abasunsulwa gugenda gukendeera buli lunaku.#
