Ebibiina by’ebyobufuzi 5 byebyakaggyayo empapula okusimbawo abantu abanaavuganya ku bwa president mu kalulu akajja aka 2026.
Omumyuka wa ssentebe wa NRM Alhajji Moses Kigongo ne Ssaabawandiisi w’ekibiina Richard Todwong bebakiikiridde President Yoweri Kaguta Museveni Tibuhaburwa, era nga ye ssentebe wa MRM.
Forum for Democratic Change (FDC) nayo eggyeyo empapula okusimbawo Nathan Nandala Mafaabi.
Ebibiina ebirala kuliko Conservative Party, National Economic Empowerment Dialogue (NEED) ereese Joseph Kabuleeta ne Uganda Economic Party kati ekyeyita Common Man’s Party ereese Mubarak Munyagwa.
Abantu abalala abasoba mu 90 baggyeyo empapula bagala kuvuganya ku lwabwe nga tebeesimbyeyo mu kibiina kyonna.
Abakyala bawera 15 bebaakaggyayo empapula okuvuganya ku bwa president bwa Uganda.
Omwogezi wa Electoral Commission Julius Muchunguzi, agambye nti abaggyeyo empapula kibakakatako okuzizzaayo eri akakiiko mu bbanga lya wiiki bbiri, nga kuliko emikono gy’ababaseemba wakiri 100 okuva mu buli district.
Buli azzaayo empapula alina okuba ng’asasudde obukadde bwa shs 20.
Nsalesale w’okuzzaayo empapula wa nga 24 September,2026.#
