Ekkanisa yábadiventi eyongedde okukola enkyukakyuka mu bukulembeze bwayo; abadde Ssaabalabirizi wékkanisa yábadiventi mu Uganda Pr. Dr. Maka Moses Ndimukika; asuumusiddwa okufuuka omuteesiteesi omukulu owékkanisa (Executive Secretary), ku kitebe ekitwala ekkanisa mu buvanjuba námasekkati ga Africa, ekiyitibwa East-Central Africa Division.
Okulondebwa kwa Ssaabalabirizi Maka ku kifo kino, kyékimu ku nkyukakyuka ezikyakolebwa mu lukungáana Ttabamawanga olwénsi yonna; olubumbijjira mu kibuga St. Louis ekyéssa Missouri erya Amerika.
Enkyukakyuka zino zaatandikira ku kulonda Ssaabalabirizi wénsi yonna mu kkanisa yábadiventi, abakiise okuva mu nsi yonna bwe baalonda Pr Erton Kholah enzaalwa ye Brazil okukulembera ekkanisa okumala emyaka 5, wamu nábamyuka be 6.
Kuno kwaddako okulonda abakulembera amabendobendo, era wano Pr. Dr Blasius Ruguri yazzeemu okulondebwa okukulembera ekkanisa, mu kitundu ekya East Central Africa Division, Uganda mwégwa.
Ekitebe ekikulu ekya East Central Africa Division, kiri mu kibuga Nairobi ekya Kenya.
Kaakano ekitunuuliddwa kwe kunoonya Ssaabalabirizi wa Uganda omuggya, anádda mu bigere bya Pr Dr Maka Moses Ndimukika.
Enkyukakyuka zino zaakufundikirwa nókulonda abalabirizi, amangu ddala nga ekifo kya Ssaabalabirizi kimaze okujjuzibwa, nga bonna baakuweereza okumala ebbanga lya myaka 5.
Bisakiddwa: Joshua Musaasizi Nsubuga
