Abatuuze ku kyalo Buliika Kaseera mu gombolola ye Namayumba mu district ye Wakiso baguddemu entiisa mu kiro ekikeseza olwaleero nga 22 Mqy,2025 omusajja abadde akaalakaala n’emundu bwakubye abantu 2 amasasi agabatidewo.
Aberabiddeko naagabwe bagamba omusajja ono atuuse mu kitundu kye Buliika ng’alinga aliko ekikyaamu ku mutwe, atuukidde ku mutunzi wa dduuka namulagira amuwe sente.
Bwebagaanye okuzimuwa kwekukuba amasasi mu bbanga, ababaddewo nebabuna emiwabo naakubako babiri amasasi agabattiddewo.
Abafudde kubaddeko omwana wa myaka nga 17 egy’obukulu ategeerekeseeko nga Anold n’omusajja omulala abadde atambula agage.
Omutemu ono abadde ayambadde engoye eza bulijjo ng’ataddeko ekijaketi, olumaze okutta abantu bano, nateekako kakokola tondeka nnyuma.#
Bisakiddwa: Lukenge Sharif
