Ebivudde mu mipiira ogw’ebigere egy’ebika by’abaganxa egy’okuddingana nga 05 May, 2024, bazzukulu ba Gabunga abeddira e Mamba besozze omutendera gwa ttiimu 32 bwe bawandudemu e Nkerebwe ku mugatte gwa goolo 5-2.
Wabula olwaleero e Nkerebwe ekubye e Mamba Namakaka goolo 1-0, kyokka ng’oluzannya olwasooka e Mamba Namakaka yaluwangula goolo 5-1.
Mungeri yeemu Engabi Ennyunga nayo yesozze omutendera gwa ttiimu 32 bw’ekubye e Mpeewo goolo 4-3 oluvanyuma lw’okulemagana 0-0 mu mipiira gye basisinkanye.
Endiga eyiseewo nga ekubye e Nkusu goolo 1-0, era eyiseewo ku mugatte gwa goolo 3-0 kuba oluzannya olwasooka yaluwangula goolo 2-0.
Enjaza nayo eyiseewo nga ewandudemu e Kibe ku goolo 5-3 eza peneti.
Envubu nayo ewandudemu e Nsuma ku mugatte gwa goolo 2-1, nga olwaleero ekubye e Nsuma goolo 1-0 ate nga omupiira ogwasooka ttiimu zombiriri zaagwa amaliri ga goolo 1-1.
Emamba Kakoboza nayo eyiseewo nga ewandudemu Ngaali ku mugatte gwa goolo 2-1, nga oluzannya olwasooka yaluwangula goolo 2-0 ate olwaleero ekubiddwa Ngaali goolo 1-0.
Mungeri yeemu Akasimba yiseewo ku mugatte gwa goolo 3-1, nga oluzannya olwasooka Akasimba kawangula goolo 3-0 ate nga olwaleero bakubiddwa goolo 1-0.
Ebika ebiyiseewo okugenda mu mutendera oguddako ogwa ttiimu 32, ogutandika nga 10 May,2024.
1. Kasimba
2. Mmamba Kakoboza
3. Nvubu
4. Njaza
5. Ndiga
6. Mmamba Namakaka
7. Engabi ennyunga
