Omwami wa Kabaka atwala essaza Ssingo, Mukwenda Deo Kagimu, mu butongole eyanjulidde Bannassingo olukiiko n’abatendesi abagenda okuddukanya ttiimu y’essaza Ssingo mu mpaka z’Amasaza ga Buganda ez’omupiira ogw’ebigere ez’omwaka guno 2026.
Mukwenda Deo Kagimu enteekateeka eno agitongoleza ku mbuga y’essaza Ssingo e Matutuma, era alonze Ssekajja Ronald ku bwa ssentebe, Hajji Ssekabira Abdul Lukooya ye mumyukawe.
Lule Hassan wa byakikugu, Sserebe Sam muwandisi, Ssegawa Godfrey muwanika, Muwada Ramadhan ye ttiimu manager nabalala.
Mu ngeri yeemu Mukwenda Deo Kagimu eyanjulidde Bannassingo omutendesi Emmy Kisakye, Bukenya Michael ye mumyukawe, Ssembatya Godfrey wa dduyiro nabalala.
BUDDU
Ppookino Jude Muleke eyanjulidde Bannabuddu olukiiko nabatendesi ba season eno ku mbuga y’essaza e Masaka.
Lutaaya Joseph asigadde ye ssentebe, Kagolo Sarah omukulu w’essomero lya Kimaanya Primary School ye mumyukawe, omuwanika ye Segken Ssegawa owa Hotel Next, ttiimu manager ye Ssalongo Zziwa Steven, owe byakikugu ye Brian Muwonge Kazoora, omuwandisi ye Kasujja John Robert.
Minister Kyeyune Haruna Kasolo ye muyima wa ttiimu, omuwi wa magezi ye Mukwenda eyawumula Ssalongo Godfrey Mbalire ne Brother Augastine Mugabo, ssabakunzi wa ttiimu ye Bishop Severous Jjumba nabalala.
Omutendesi wa Buddu asigadde ye Eric Kisuze, amyukibwa Sam Ssekitto ne Simon Gita, omutendesi wa bakwaasi ba goolo ye Jamaadah Magaasi nabalala.
Empaka z’Amasaza ga Buganda zigenda kutandika nga 13 June,2026.
Bisakiddwa: Isah Kimbugwe
