Emikolo emikulu giri mu district ye Kabale, ku ssomero lya Kigezi high school.
Olunaku luno lwakutambulira ku mulamwa ogugamba nti “Ffenna wamu tusobola okulwanyisa okumansamansa ppulasitiika ekivaako okukosa obutonde bw’ensi”.
Olunaku luno lwalina kukuzibwa nga 05 June, wabula president naasaba lwongezebweyo okutuusa leero nga 25 June,2025.
Ssenkulu weekitongole ekitakabanira obutonde bwensi ekya National Environment Management Authority, (NEMA), Dr Barirega Akankwasa, agambye nti baliko etteeka lyebateekateeka okwongera okuluma nokukola ku bantu abakyalemye okutaatira obutonde bwensi mu ggwanga.
Dr Barirega Akankwasa agamba nti mu Uganda ebintu ebya ppulasitiika ebikola ebitundu 9% byokka byebisobola okukolebwamu ebintu ebirala, nebigattibwako omutindo ssonga ebitundu ebirala 81% bigweera mu ttaka ekiviriddeko obutonde okwonooneka.
Dr Barirega agamba nti ku mikolo jino, balafuubana okulaba nti buli muntu ajjukizibwa omulimu gwe, ssi government yokka wabula nabuli muntu akwatibwako ensonga okwekubamu tooci oba kyalina okukola akikole bulungi okutaasa obutonde.
Omuli abantu ba bulijjo obutamansa buveerana bucupa bwebakozesezza, amakolero, ebitongole bya government n’abalala.
Wabula abamu ku bakulembeze mu government ezeebitundu ne banna Uganda e Kabale obuzibu mu kulemesa ensonga z’okulwanyisa obutonde bakyaziteeka ku government nti yetatafmddemu maanyi kimala okubaako byekola mu kuteekesa amateeka mu nkola.#
Bisakiddwa: Ddungu Davis
