Ebibalo bino government ebitadde mu kiwandiika ekimanyiddwanga the budget framework paper ekikuba ttooki mu mbalirira y’eggwanga eyomwaka oguddako nga bwenafanaana.
Mu mwaka gw’ebyensimbi guno ogugenda mu maaso 2025/2026, government yateekateeka okukuηaamya omusolo gwa trillion 37 n’obuwumbi 227 ng’omwaka ogujja ensimbi zeteekateeka okukuηanya zzirinye okutuuka ku musolo gwa trillion 40 n’obuwumbi 90.
Okutwalira awamu, okuteebereza kwa government okwembalira y’omwaka ogujja 2026/2027 kulaga nti embalirira y’eggwanga yakubeera ya trillion 69 n’obuwumbi 399.
Embalirira eno eseemu wansi okugerageranya n’embalirira y’omwaka gw’ebyensimbi guno ogugenda mu maaso ogwa 2025/2026 eya trillion 72 n’obuwumbi 376.
Kino kiraga nti embalira y’eggwanga okusinziira ku kuteebereza kwa government ey’omwaka ogujja ekendeddemu ne trillion 2 n’obuwumbi 977.
Government era esuubira nti eby’obugagga by’eggwanga byakukula okuva ku trillion 251 n’obuwumbi 450 webiri kati, okutuuka ku trillion 290 n’obuwumbi 315.
Obuvugirizi n’obuwanirizi bw’embalirira y’eggwanga ey’omwaka ogujja, government egambye nti nabwo ebusuubira okukendeera okuva ku trillion 2 n’obuwumbi 84, okutuuka ku buwumbi 331 bwokka.
Government era eraalise nti okwewola kwayo munda mu ggwanga kwakukenderako okuva ku trillion 11 n’obuwumbi 381 nga bwekiri mu mwaka gwebyensimbi guno 2025/2026, okutuuka ku trillion 8 n’obuwumbi 953 mu 2026/2027.
Enteebereza y’embalirira eno eyomwaka gw’ebyensimbi 2026/2027 yasindiikiddwa mu bukiiko bwa parliament obwenjawulo okwetegerezebwa.#
