Omukago ogutaba bank z’ebyobusuubuzi mu Uganda ogwa Uganda Bankers Association ne Uganda Institute for Banking and Financial Services, (UBIFS), batandise okubaga etteeka erigenda okuluηamya entambuza y’emirimu gyabakozi nenkuza yaabakulembeze mu bank ezenjawulo.
Omukago guno gugamba nti entambuza yeemirimu nengeri abantu nabakozi abamu gyebawandiisibwa mu mirimu jino, tejitambula bulungi nga weetagawo okuluηamizibwa okwenjawulo.
Bagamba nti baagala noomulimu gw’abakola mu bank, gufune akakiiko akaguluηamya nga bweguli ku basawo ne bannamateeka abalina akakiiko aka Uganda Law council ne Uganda Dental and Medical practitioner’s council ku basawo.
Mary Gorreti Masadde, ssenkulu wa Uganda Institute for Banking and Financial Services, (UBIFS), mukwogerako abantu abetabye ku mukolo gw’abakyala abakola mu bank ez’enjawulo kwebajagulizza obuwereza bwabwe mu lukungaana olwokubiriri olutuu←middwa Women in Banking Conference 2025, agambye nti baagala okulaba nga emirimu gyabakola mu bank ez’enjawulo jiruηamizibwa mu mateeka.
Masadde mungeri yeemu agambye nti baagala abakyala okwongezebwa mu bifo ebyobukulembeze.
Agambye nti abakyala bangi abakola mu bank naye ku nkiiko ezisalawo ebyenkizo bakyali batono, sso ng’obuvunaanyizibwa obbubaweebwa batutuukiriza bulungi.
Akulira ekibiina ky’amawanga amagatte ekitakabanira ensonga z’abakyala mu Uganda ekya UN Women Uganda, Dr. Pauline Chiwangu, asinzidde mu lukuηaana luno oluyindidde ku Protea Hotel, naagamba abakyala mu Uganda bakyalina ebisoomoza bingi yadde nga bangi batandise okuteekebwa mu bifo eby’enkizo.
Sipiika wa parliament Annet Anita Among, mu bubaka bwatisse omubaka akiikirira ekitundu kye Rwampara, Kankunda Amos Kibwika, asabye abakyala okwongera okwerwanako n’okweteekateeka mu buweereza nga bakulembeza emirimu gyabwe, sso ssi kikula kyabwe.
Bisakiddwa: Ddungu Davis
