Okulonda ba ssentebe ba district, ba mayor b’ebibuga ne ba kansala ba district mu kalulu ka 2026 abalonzi babadde bamuswaba, mu bitundu by’eggwanga ebyenjawulo.
Abamu ku bantu CBS beyogedde nabo abasangiddwa ku mirimu gyabwe, bategeezezza nti baamala ennaku nnyingi nga tebakola okuva ku lunaku lw’ebaalonderako president w’eggwanga n’ababaka ba parliament nga 15 January,2026, n’ennaku ezaddirira ez’okubala obululu.
Bannyonyodde nti babadde tebayinza kuddamu kuleka mirimu gyabwe okugenda okulonda, sso nga n’ekiseera ky’abaana okudda ku masomero kisembedde, betaaga sente.
Abamu bawadde government amagezi, okukola enkyukakyuka esseewo olunaku lw’okulonda lumu, abantu balonde obukonge bwonna obw’abakulembeze bonna okuva ku president okutuuka ku bakulira district n’ebibuga.
