Ttiimu y’eggwanga ey’omupiira ogw’ebigere eya Uganda Cranes akalulu kagisudde mu kibinja C mu mpaka za Africa Cup of Nations ez’omwaka guno, ezigenda okubeera e Morocco.
Obululu bw’empaka zino bukwatiddwa leero nga 27 January,2025 mu kibuga Rabat e Morocco.
Mu kibinja kino C Uganda erimu ne Nigeria, Tunisia ne Tanzania.
Mu kibinja A mulimu abategesi aba Morocco, Mali, Zambia ne Comoros
Mu kibinja B mulimu Misiri, South Africa, Angola ne Zimbabwe.
Mu kibinja D mulimu Senegal, DR Congo, Benin ne Botswana.
Mu kibinja E mulimu Algeria, Burkina Faso, Equatorial Guinea ne Sudan.
Mu kibinja F mulimu Ivory Coast, Cameroon, Gabon ne Mozambique.
Empaka za Africa Cup of Nations e Morocco zigenda kubeerawo okuva nga 21 December omwaka guno 2025, okutuuka nga 18 January omwaka ogujja 2026.
Ivory Coast be bannantameggwa b’empaka ezaasembayo 2023.#
