Buddu ewangudde ekikopo ky’Amasaza ga Buganda ekya 2024, oluvannyuma lw’okukuba Kyaggwe ggoolo 1 – 0, ku mupiira ogubaddeko ogw’akaasa mmeeme mu kisaawe e Namboole.
Kino ky’Ekikopo Kya Buddu eky’okusatu.
Goolo etuusizza Buddu ku buwanguzi eteebeddwa Michael Walaga mu kitundu ekisooka, yadde nga mu kitundu ekyokubiri Kyaggwe enyigirizza nnyo Buddu.
Ssaabasajja Kabaka Ronald Muwenda Mutebi II asiimye n’aggalawo omupiira guno.
Omwaami wa Ssaabasajja akulembera essaza Buddu Pookino Jude Muleke, agambye nti Obuwanguzi bwatuseeko bubadde busuuburwa, olw’okweetegeka kwebaakola.
Mu kusooka wabaddewo Omupiira wakati wa Buweekula ne Kyaddondo nga guno gugenze okuggwa nga Buweekula ebala goolo 3-1.
