Emmwaanyi Uganda zetunda ku katale k’ensi yonna zeyongeddeko obungu mu bbanga ery’myezi 12 egiyise.m okuva ku nsawo obukadde 5.73, okutuuka ku bukadde 6.10.
Alipoota envannyuma ekoleddwa ekitongole ky’eggwanga ekivunaanyizibwa ku mmwanyi ki Uganda Coffee development Authority ekoleddwa okuva mu January 2023 okutuuka December,2023.
Mu myezi 12 egyo egiyise, ekitongole ki Uganda coffee development Authority kigamba nti n’ensimbi Uganda zeefunye okuva mu mawanga amalala agagula emmwanyi za Uganda zeeyongedde okuva ku bukadde bwa ddoola za America 865, zeza Uganda trillion 3 n,obuwumbi 352 okutuuka ku bukadde bwa doola za America 983.41 zeza Uganda trillion 3 n’obuwumbi 808.
Mu January yekka ow’omwaka guno 2024, ensawo z’emmwanyi 481,586 zezaatundibwa ku katale kensi yonna nga zino zavaamu obuwumbi bwa shs 329.
Italy yeyasinganze okugula emmwanyi za Uganda mu January, n’eriddirirwa German ,India ne America.
Kampuni ya Ugacof(U) yeyasinga okutunda emmwanyi ennyingi mu mwezi ogwa January 2023 ku katale kensi yonna okusinziira ku alipoota yekitongole ki Uganda Coffee Development Authority.#
