Ssentebe wa district ye Mpigi Ssejjemba Martine, wamu n’abadde sentebe w’akakiiko akagaba emirimu e Mpigi aka District Service Commission Kirumira Fredrick, n’omuwandiisi w’akakiiko Nakamoga Sarah basindikiddwa ku alimanda, okutuusa nga 08 July,2025
Abasatu bano bavunaanibwa ku bigambibwa nti babadde baggya ensimbi ku bantu abasaba emirimu gya government.
Kigambibwa nti babadde babasba ensimbi eziri wakati wa shs 50,000 n’obukadde 15.
President Yoweri Kaguta Museveni bweyali alambula ebitundu bya Mpigi yafuna okwemulugunya ku bantu abenjawulo, nga bagamba nti enguzi ebadde efuumbekedde ku district Mpigi, ng’abantu abatalina nsimbi zebawa bakulu balekebwa ebbali, kwekulagira akakiiko ka Statehouse akalwanyisa enguzi aka State House Anti-Corruption Unit okunoonyereza ku bakulu abagambibwa nti bebabadde bakulembeddemu okulya enguzi.
Bisakiddwa: Betty Zziwa
