Ssaabasajja Kabaka Ronald Muwenda Mutebi II asiimye n’alambula ettaka lye Kaazi okuli embuga y’Abascout mu Uganda.
Ssaabasajja asiimye n’alambula emirimu egikolebwa ku ttaka lino egyenjawulo, era neyeebaza abakulembeze b’Ekitongole ekivunaanyizibwa ku ttaka mu Bwakabaka ki Buganda Land Board olwemirimu gyebakoze ku ttaka lino.
Beene mu kusiimakwe okulambula ettaka lye Kaazi, abadde n’Abaweereza mu Buganda Land Board omubadde Omwogezi w’Ekitongole ki Buganda Land Board Denis Bugaya, Ssejjengo Baker ssentebe w’Abavubuka mu Buganda n’omuteesiteesi w’ekibiina ky’abascout mu ggwanga.
Ettaka lino erye Kaazi kwekuli ekitundu Ssekabaka Daudi Chwa kyeyawaako aba scout okukubako embuga yabwe mu August 1935.
Ettaka lino lizze libeerako embiranye olw’abantu abagambibw okuba nti baalifuna mu mankyolo, nga waliwo n’abazimbyeko ebifo ebyenkalakkalira, omuli woteeri n’ebirala.
Denis Bugaya nga ye mwogezi wa Buganda Land Board mu kwogerako eri ab’amawulore agambye nti Obwakabaka bukyayagala bonna abali ku ttaka lino mu bukyamu betereeze, nga Ssaabasajja Kabaka bw’abalambise.
Bugaya mungeri yeemu akukkulumidde bonna abaali emabega w’Okutunda ettaka lye Kaazi mu Mancoolo, kuba kwaviirako Obutondebwensi okutyoboolwa.
Bisakiddwa: Kato Denis