Ssaabasajja Kabaka Ronald Muwenda Mutebi II asiimye naawa abaweerezaabe mu bitongole byonna Sseddume z’ente 4, mu nteekateeka yÉbitongole byÓbwakabaka eyÓkumanyagana, nÓkutojjeza Obumu nga bayita mu by’emizannyo.
Empaka zibumbujjidde mu Lubiri e Mengo.
Ssettendekero w’Obwakabaka owa Muteesa The First Royal University,l bebabadde abategesi abakulu.
Ettendekero lya Buganda Royal Institute of Business and Technical Education Mengo liisitukidde mu Kikopo ky’ebyemizannyo 2025, nerimenyawo Buganda Land Board eyakitwala omwaka ogwayita ogwa 2024.
Enkuluze ekutte kya Kubiri ate Buganda Land Board nekwata kya kusatu.
Kamalabyonna wa Buganda Charles Peter Mayiga yebazizza Abaweereza mu Bwakabaka olwÓkunyweeza Omulamwa gwÓbumu.
Ayongedde okukubiriza ebitongole obutagezaako kukemebwa kuzannyisa ‘bacuba’, nti kubanga enteekateeka y’emizannyo gino ssikuwangula buwanguzi bikopo, wabula okutumbula obumu n’okusobozesa abaweereza b’ebitongole okumanyagana.
Katikkiro mungeri eyenjawulo asabye ba ssenkulu bÉbitongole nÁbakulembeze ku mitendera egyenjawulo obutetwalira waggulu, bakkeko wansi mu bebakulembera bamanye embeera mwebayita.
Vice Chancellor wa Ssettendekero wa Ssaabasajja Kabaka owa Muteesa the First Royal University Prof Vincent Kakembo, yebazizza abaweereza mu bitongole byonna olw’Obujjumbize mu mizannyo gino, ekyongedde ebbugumu mu Mpaka zino.
Ssaabassenkulu w’Ebitongole by’Obwakabaka Omuk Roland Ssebuwuufu yebazizza Ssaabasajja Kabaka olw’Okusiima naawagira abaweerezaabe.
Ssenkulu wa Buganda Royal Institute of Business and technical Institute Owek Joseph Balikuddembe Ssenkusu, agambye nti obumu mu baweereza nÓbujjumbize, we bubasobozesezza okuwangula.
Ssebaggala Richard nga yakulembezzemu abawagizi bÉbitongole by’Obwakabaka abatali baweereza nga ono avudde Kyanamukaaka, atenderezza abaweereza olwÓbumanyi bweboolesezza mu mizannyo egyenjawulo.
Abaweereza mu Bwakabaka omubadde Magulu Robert owa Buganda Land Board, Nalukenge Esther owa Ssuubiryo Zambogo sacco, Kigaanira Charles okuva ku Buganda Royal institute of Business and technical education,Ssenkungu Paddy Kiganda, Nsubuga Abdul, Namugenyi Recheal , Nakabugo Mansul n’Abaweereza abalala beebaziddwa mungeri eyenjawulo, olwobuweereza Obulungi.
Ekitongole kya Nnaabagereka Development Foundation kiweereddwa Omukisa okutegeka empaka z’Ebitongole by’Obwakabaka omwaka 2026.
Bisakiddwa: Kato Denis
