President wa Uganda Yoweri Kaguta Museveni Tibuhaburwa era nga e ssentebe w’omukago gw’amawanga aga Nampa w’engwa ogwa Non allied Movement, awabudde amawanga agagugulana n’okulwagana mu kyondo kya buwalabu, nti gakozese enkola eyokwogerezeganya, okwewala okuteeka ensi mu bizibu ebijoleekedde nga biva mu kulwanagana okwo.
America nga eri wano ne Israel zaggula olutalo ku Iran, nezisesebbula enfo za Iran eziwerako, omwafiira n’omukulembeze ow’okuntikko Ayatollah Ali Khamenei.
Iran nayo mu ngeri ey’okwesasuza yalangirira olutalo kakuuse ku banywaani ba America okuli Israel ,United Arab Emirates, Kuwait, Qatar nendala, era kati wiiki namba Iran ezze ekanyuga ebikompola okusesebbula enfo za America ezisangibwa mu mawanga ago.
Embuuka z’ennyonyi zaayimirizibwa, amawanga agamu gazzeeyo abantu baago, saako ebintu ebiwerako bisigadde ku ttaka.
President Museveni asinzidde mu muka gobwa president Entebbe ku kyeggulo government kyetegekedde abaddu ba Allah okubasibuulira.
President agambye nti nga ssentebe wa NAM (Non Allied Movement) yawabula dda abakulembeze b’amawanga agalwanagana okwakomako, nti wabula obuzibu bwe bwa buli ludda okwemannya essajja.
Museveni agambye nti amawanga ago gonna mikwano gya Uganda ddala,era wakusigala ng’abawabula bakozese enkola ey’okuteesa okukomya obutakaanya obuliwo.
Sipiika wa parliament Nnaalongo Anita Annet Among asinzidde ku iftar dinner eyo, neyeebaza president Museveni nga ssentebe wa NRM olw’okumuwandako eddusu wamu n’omumyuka we Thomas Tayebwa basigale nga bebakulembera parliament.#
