Omuzannyi w’omupiira munnayuganda Martin Kizza, yegasse ku club ya El Merriekh Bentiu, egucangira mu liigi ya babinywera eya South Sudan.
Martin Kizza bamuwadde endagaano ya myezi 6 gyokka, nga kitegeeza nti agenda kuzannyira club eno okutuuka kunkomerero ya season eno.
Abadde azannyira club ya Fassil Kenema egucangira mu liigi ya babinywera eya Ethiopia, gye yegattako mu 2024 ku ndagaano ya myaka 2.
Martin Kizza era yazannyirako club ya Royal Eagles ne Free State Stars eza South Africa.
Mu Uganda yazannyirako club okuli Villa Jogo Ssalongo, KCCA, Express mukwano gwabangi ne Vipers, ate nga ttiimu y’eggwanga eya Uganda Cranes yakagizanyira emipiira 15 gyokka.
Bisakiddwa: Isah Kimbugwe
