Obwakabaka bwa Buganda bukungubagidde eyali Ssaabaminister wa Kenya Raila Amoro Odinga, eyafiiridde mu Buyindi gyabadde ajjanjabirwa okumala akaseera.
Odinga afiiridde ku myaka 80 egy’obukulu.
Katikkiro wa Buganda Charles Peter Mayiga ng’ayita ku mikutu gye egy’omutimbagano, ategeezeza nti enju ya Odinga erina enkolagana ey’enjawulo n’Olulyo Olulangira mu Buganda, ng’ebaddewo okuviira ddala mu mirembe gya Ssekabaka Edward Muteesa II n’okutuusa kati ku Kabaka Muwenda Mutebi II.
Amwogeddeko ng’omuntu atadde ettofaali eddene mu byobufuzi bya Kenya n’enkulaakulana mu by’amateeka ate era ng’abadde omusuubuzi ow’amaanyi.
Katikkiro akubagizza Abooluganda n’emikwano, Bannakenya n’abantu b’obuvanjuba bwa Africa bonna olw’okufa kwa Raila Odinga.
Mu ngeri yeemu minister wÁmawulire , okukunga abantu era omwogezi wÓbwakabaka Owek Isreal Kazibwe Kitooke, ayogeddeko eri bannamawulire mu Bulange e Mengo, n’ategeeza nti okufa kweyali ssabaminister wa Kenya era Omusuubuzi Odinga ddibu ddene eri Africa, Kenya, Uganda ne Buganda, kuba abadde awa amagezi ku nsonga ezenjawulo, naddala ezenkulaakulana nÓbumu.
Raila Amoro Odinga ayogeddwako ng’Omusajja abadde ayagala ennyo Ennono nÓbuwangwa ku Ssemazinga Africa.
Omugenzi Odinga mu mwaka 2019 yakyalako mu Lubiri lwa Maasomooji Ssaabasajja Kabaka Ronald Muwenda Mutebi II e Mengo, era nategeeza nti ezimu ku nsonga ezaali zimuleese kwekulaba ku mukwanogwe Ssaabasajja Kabaka , nÓkulaba engeri Obwakabaka bwa Buganda gyebuyinza okusitula Abantu baabwo mu nkulaakulana, Ennono ,Obuwangwa nÓkwegatta kwÁmawanga gÓbuvanjuba bwa Africa.
