Katikkiro wa Buganda Charles Peter Mayiga asabye ebitongole by’obwanakyewa ebirafuubanira eddembe lyóbuntu mu Uganda okuyambako abavubuka bamanyisibwe ebyobufuzi ebyetoloolera ku mazima n’obwenkanya, nti kuba kyekikyasomooza obukulembeze mu Africa.
Katikkiro abadde mu nsisinkano n’omukulembeze w’ekitongole ki Konnrad Adenuer Foundation ekibangula abakulembeze munsi yonna, Dr Norbert Lammert abadde amukyaliddeko ku mbuga enkulu eya Buganda mu Bulange enkulu e Mengo.
Katikkiro agambye nti mu kulwanirira enfuga egoberera amateeka n’obwenkanya munsi, abavubuka n’abakyala basaanye balowoozebweko mu ngeri y’okubangulwa mu bukulembeze n’emirimu omuva ensimbi.
Katikkiro mungeri yeemu yeebazizza bannakyewa olwokutumbula ebyenfuna, eddembe ly’omuntu n’ebyobulamu mu bantu, naabasaba obutassa mukono.
Dr. Norbert Lammert agambye nti ebbanga ekitongole kino lyekimaze mu Uganda kisobodde okubangula abavubuka abawerako mu Bwakabaka ne Uganda yonna, okusaawo enkyukakyuka mu by’obufuzi n’enkulaakulana eyannamaddala.
Bisakiddwa: Kato Denis
