Katikkiro wa Buganda Charles Peter Mayiga alabudde Abavubuka abegwanyiza obukulembeze kyokka nga tebagambwako nti bano bamala biseera , naabawa amagezi okukkiriza bawabulwa, ate era babeere beetegefu okuyiga.
Abadde asisinkanye abakulembeze b’Abavubuka mu kibiina kya NRM ekya NRM youth League, omukolo gubadde mu Bulange e Mengo.
Katikkiro agambye nti kiba kikyaamu Abavubuka okulowooza nti basobola okukulembera Ensi Eno Ssonga tebaagala kuluηamizibwa, ate nga tebaagala kukola bya nsa.
Katikkiro asabye Abavubuka Banna NRM abali Okumpi n’Abanene mu NRM, okubagambako mu bukkakamu ku nsobi zebakola omuli Obulyaake, ekityoboola Ddembe lya Buntu n’Ebyenfuna bya Uganda ebitali Birungi mu bukkakkamu, Kiyambeko Uganda okubeerako Obulungi.
Minister w’Abavubuka ebyemizannyo n’Ebitone Owek Robert Sserwanga Ssalongo, asabye Abavubuka okumanya nti Ssaabasajja abalinamu essuubi ddene, naabasaba bakole ebiweesa Buganda ne Uganda ekitiibwa, nga bakola emirimu omuva ensimbi, Okusoma ennyo babeere bamaanyi, ate babeere ba mpisa.
Akulembeddemu Abavubuka ba NRM youth League Macxzzon Muhweezi, yebazizza Obwakabaka bwa Buganda okwaaniriza Abavubuka awatali kusosola, era naasaba wabeewo enkola esobozesa Abavubuka ba Buganda youth council okutabagana n’Okuwaanyisiganya ebirowoozo n’Aba NRM youth council.
Bisakiddwa: Kato Denis
