Government etongozza enguudo 2 okuli olutandikira e Bukasa-Ssentema- Kakooge okutuukira ddala e Kikubampanga mu Kakiri oluwezaako kilometer 13, nga luno lwakuwementa obuwumbi bwa shs 56 awamu nolwa Kitemu-Kisozi-Buddo- Naggalabi oluwezaako kilometer ezisoba mu 6 nga lwakuwementa obuwumbi 35.
Minister omubeezi owa Kampala Joseph Kabuye Kyofatogabye asabye abatuuze mu district ye Wakiso awali project z’enguudo azitandise okukolebwa okweyambisa ensimbi za parish Development Model babeeko business zebatandikawo okusinga okwekwasanga government nga bwetabayambye .
Enguudo zino ziri mu nteekateeka ya Greater Kampala evujjirirwa banka yensi yonna, nategeeza nti singa abatuuze bakozesa omukisa gwenkulakulana ereeteddwa kyadibawonya okusindiranga abakulembeze ebizibu buli kaseera .
Ssentebe wa district ye Wakiso Dr Matia lwanga Bwanika asabye bannauganda okudda kunkola eyabulungi bwansi basobole okukuumanga enguudo zino okumala ebBanga .
Omubaka wa president mu district ye Wakiso Justine Mbabazi avumiridde eky’abatuuze abeesulirayo ogwanaggamba ku nsonga yokulondoola emirimu egyibeera gyikolebwa government buli kimu nebakirekera abakulembeze .
Bisakiddwa: Tonny Ngabo
