Abamegganyi mu Program Entanda ya Buganda nga 21 October, 2024 ku 88.8 CBS Ey’obujjajja; Kamoga Kasajjalaaliwano ne Kalule Godfrey abaafunye obugoba 21, baasuumusiddwa okweyongerayo ku lumeggana oluddako, ate Ssegawa James Kisomose eyafunye obugoba 15 yawanduse.
Biibino ebibuuzo by’Entanda;
1. Tulina ekizigo okubeera ensolo ennyingi ate nga za bika by njawulo, kiyitibwa kitya?….. Eky’omukukumbo.
2. Nnakyeyo ne Muyoola balina mulimu ki gwebakola mu lubiri?………….. Gwakwera n’okuyoola ebisaaniiko mu lubiri.
3. Olugero: Mbuga ekwagala…………………….… Ekuzimbya ku lwazi.
4. Amannya ag’obuntu ag’omwami atwala essaza Buluuli………………….. Owek Robert Ssonko.
5. Tugamba ddi nti omwana ono ameze………………….. Kasita atandika emize egy’obutawulira bakulu.
6. Ani yawandiika ekitabo Gwosussa emmwanyi?……………………… Wycliffe Kiyingi.
7. Ensonga ssemasonga ya Buganda esookera ddala. ………….Okukuuma Okunyweza n’okutaasa Nnamulondo.
8. Ekimera kyebayita akafansonyi kifaanana kitya?………….. Akati akalinga akaddo nga bwokakoonako keewumbako.
9. Mu mulimu gw’obuyizzi mulimu omutendera gw’obuzizi, omuntu nga buli lwaziga ensolo tesangibwawo ayitibwa atya?……………………. Aziga bisubi.
10. Ekitongole ekikuuma emigigu gya Kabaka………………….. Ekimese.
11. Olugero: Bakunyaga n’ente………..Ne batakunyaga na muggyawo
12. Amannya ag’obuntu ag’omwami afuga essaza Mawogola…….. Owek. John Kankaka.
13. Bwetugamba nti emmwanyi zino zikungula tuba tutegeeza ki?……. Nti ziba zibaze nnyo.
14. Ani yawandiika ekitabo Jangu tutontome?………FX Mbaziira.
15. Ensonga ssemasonga ya Buganda ey’okuna. ………Okukola obutaweera.
16. Akafugankande kimera kafaanana katya? ………………….Katittiriri akalina obukoola obusiiwuukirivu.
17. Omuyizzi aziga ensolo, nga buli nsolo gyaziga mugisangako, aweebwa linnya ki? ………Kalinnyeewa.
18. Mu lubiri mulimu ekitongole ekyetikka emigugu gya Kabaka ng’aliko gyalaga, kiyitibwa kitya?…………. Ekikweya.
19. Olugero: Nkalye nkawulire…………..Asula teyeebase.
20. Amannya g’obuntu ag’omwami atwala essaza Bugerere……………. Owek Samuel Ssemugooma.
21. Omuntu bwakugamba nti ekintu gundi kyantuuka, aba ategeeza ki?………….. Omuntu okuba nga yakoowa ekintu.
22. Ani yawandiika ekitabo Nnamulanda?……………. Waalabyeki Magoba.
23. Ensonga ssemasonga ey’okutaano ……………….Obumu.
24. Ekimera kyebayita Olukwango, kifaana kitya?………….. Akaddo/ akatittiriri nga kaliko amaggwa.
25. Eryato lyebakola mu mbaawo zokka……………….. Emmanvu.
26. xxxxxxxxxxxx
27. Olugero: Amatole amanene…………… Teganyaga mwana.
28. Ebiryo ddi lwebiyitibwa empambo?………….. Ssinga biba bigenda kukozesebwa ku mukolo gw’okuziika.
29. Akagaali maanyi ga kifuba tebakavuga, bakakola batya? …….Kusotta.
30. Etteeka ekkulu ennyo ku kizigo. ………………Teboogererako.
31. Ekisoko, Okusula e Katugge kitegeeza ki? ……………Ye muntu eyaalyagadde okugenda emmanju ng’obudde bwa kiro naye nga waliwo ensonga emulemesa.
32. Bbendera ya Buganda erina langi bbiri Enjeru ne Blue,, ani yaziyiiya? ……………. Omulangira Yozefu Musanje.
33. Olugero: Bakyawa mwannyoko……………Ggwe osaba lubugo.
34. Mu balubaale mulimu abakazi, tuweeyo ebintu ebikulu omulubaale omukazi by’aziza okulya? Aziza okulya enkoko n’amagi.
35. Kkoyi kkoyi, nnina bakazi bange bafaanagana naye muwulenge yabaawukanya…….. Ekikajjo n’ebbanda.
36. Okubuuza Ssaalongo endeko, kisoko, kitegeeza ki?……… Okubuuza ekintu ekyangu.
37. Ekkanzu erina kakwate ki n’ettaka? ……….Ow’ekibanja awaayo ekkanzu (Ssente z’owaayo okusenga ekibanja ku ttaka)
38. Ani musumisi w’Abalangira N’abambejja? ………..Omutaka Kasujju Lubinga.
39. Ssinga omukazi aba awaata amatooke, omunwe ogumu ne gwesimba ng’agussa wansi, akoloka? ……. Ayongerako bwongezi bungi bwa mmere.
40. Olugero: Ssebusiru bwanjoka…………Zitta nnyinizo nti mmwe munaalamirawa.
41. Ennyumba eyitibwa Namiryango eye Bukeerere ezimbwa lwaki? ………..Kabaka mwakulira.
42. Kkoyi kkoyi, nnina mukazi wange alengera akasajja akakutte ku ggulu. ……….Okulengera olusozi nga lulinga olukutte ku bire.
43. Ekisoko Okuba mu lw’e Bukaleeba………………….., kitegeeza kubeera mu bizibu.
44. Ebibajjo by’omuti guno bissibwa mu kyogero ky’omwana omulenzi balabe ng’akula bulungi, muti ki? ………Muvule.
45. Emiziro gy’abaganda ebiri nga bimera , bya kiragala ate era nga biriibwa, byebbiriwa?………. Ekkobe n’empindi.
Bitegekeddwa: Kamulegeya Achileo K