Mu Program Entanda ya Buganda ku 88.8 Ey’obujjajja nga 18 October,2024 abamegganyi battunse mu bibuuzo bino wa mmanga;
1. Ani yawandiika ekitabo Federo mu Buganda enfuga kiwamirembe? Gamaliyeri Mugumbya.
2. Abayiisa b’omwenge balina ekikolwa ekiyitibwa okulongowaza, kiba kitya?….. Ekikolwa ekyokuyubuluzaamu embidde.
3. Olugero: Kameze muluggya … ggwe osima.
4. Olunaku lw’okunywa obuugi mu nsi yonna lwatandika mu mwaka ki? 2009.
5. Amakulu g’ekisoko. Okulweyitira, Okukola ekintu nekikuviiramu obuzibu.
6. Engoma ya Lubaale Nnende yaweebwa linnya ki? Maseege.
7. Essaza Kabaka eyali agenze okutabaala mweyakisiza omukono? Buddu.
8. Ekiggwa kya Lubaale Bulamu kiri ku mutala ki? Ttanda
9. Ani yawandiika akatabo Simudda nnyuma? Ham Mukasa.
10. Abayiisa b’omwenge balina ekikolwa ekiyitibwa okumenyerwa omwenge. Bakikola batya? Okusena ku mwenge ogutannaba kuggya.
11. Olugero: Gyolwalira ebbwa… Gyotenda enswera.
12. Olunaku lw’okunywa obuugi mu nsi yonna lwabaddewo ddi? Nga 10 October.
13. Ekisoko okutema ekikasa kitegeeza ki? Kukankana.
14. Embuga ya Nnende esangibwa ku kyalo ki? Wabiti oba Bukeerere.
15. Kabaka ki eyatabaala ensi y’e Kiziba n’akisa omukono ng’akomawo e Buganda? Ssuuna II
16. Kabona w’empewo eyitibwa bulamu yeddira muziro ki? Ngeye.
17. Amannya g’omuwandiisi w’ekitabo Omulembe Omuteesa. Ernest Z Kibuuka.
18. Abayiisa b’omwenge balina ekigambo kinnawattaka, kitegeeza ki? Amabidde agaziikiddwa mu ttaka.
19. Olugero: Kidda walime…Nga kisimbe.
20. Omuntu eyasooka okuwangula empaka z’okunywa obuugi yanywa bungi ki? Yanywa bucket nnamba.
21. Ekisoko Okuyita mu z’e Kibuye kitegeeza ki? Kumenya mpisa ya nsi.
22. Lubaale Nnende yazaalibwa buzaalibwa, tubuulire nnyina. Nnaabalende.
23. Erinnya ly’omukulembeze w’ensi y’e Kiziba Kabaka wa Buganda gweyali agenze okutabaala, amale akisize omukono mu kkubo ng’akomawo? Kattaba.
24. Erinnya lya Kabona w’empewo Bulamu. Nnakabaale.
25. Erimu ku mannya agatuumibwa mu Buganda mulimu Bakkiddaawo, lituumwa ani? Lituumwa omusajja omutiitiizi.
26. Olugero: Ddiba likaze. Ennyomo zikolongo.
27. Omwenge gw’ekimpukumpuku gweguliwa” Ogwo nnyinimu gwatereka n’anywa mpola mpola ne banywanyi be.
28. Kabona wa Lubaale Nnende. Kajugujwe.
29. Okukisimba ne kiroka kisoko kitegeeza ki? Okunyumya emboozi ebbanga eddene.
30. Ekyayi ky’okukitooke ekiddugavu kiyitibwa kitya? Nakayonga.
31. Abatunda omwenge batera okussa enkata ku kkubo, eyitibwa etya? Endago oba enkaaka.
32. Ebika by’ebitooke bibiri ebitera okuba n’ebyayi ebyeru. Gonja ne Kivuuvu.
33. Tubuulire akanwe akatono akakulira ku kiwagu ku ttooke kaweebwa linnya ki? Nnammere.
34. Nakyejwe jjinja lisangibwa mu ssaza ki? Butambala.
35. Olugero: Abalungi ngoma mpunde…bamala abalungi embuga.
36. Embuga y’essaza Kabula eri ku kyali ki? Lyantonde.
37. Ekisoko okunyookeza munno eby’enjiri kitegeeza ki? Kulemesa munno kubaako kyatuukako (Kubonyaabonya/ kumalako mirembe)
38. Ekika ky’Abaganda ekirina Obutaka e Mbazi. Nvubu.
39. Mu mannya g’abaami b’amasaza mulimu alina eritegeeza omufuzi eyeetwala, liriwa? Ppookino.
40. Mu lulimi oludda ku Kabaka, Kabaka tanyiiga, akolaki? Akalala.
41. Olugero: Ebikunku ebigenda embuga… Tebidda bwereere.
42. Omubisi gw’embidde oguwedde okussaako omuwemba guyitibwa gutya? Entwere.
43. Amasiro ga Ssekabaka Ssuuna I gali ku kyalo ki? Jjimbo.
44. Ekisoko Okutta obugenyi kitegeeza ki? Kukyala n’ogabulwa nnyo ku bugenyi.
45. Akabangirizi akeeyera okwetooloola ekikolo ky’ekitooke ekiriko essanja kayitibwa katya? Embuga ya Nnabuzaana.
Bitegekeddwa: Kamulegeya Achileo K