Mu Program Entanda ya Buganda ku 88.8 Ey’obujjajja nga 5 Museenene (November), 2024, abamegganyi; Ssemiyingo Ibrahim eyafunye obugoba 28 ne Bugembe Nasur eyafunye obugoba 24 baasuumusiddwa okweyongerayo mu lumeggana oluddako, ate Kasagga Robert eyafunye obugoba 15 yawanduse.
Biibino ebibuuzo by’Entanda;
1. Oluwanja kikwanaganye n’omulimu gw’obuvubi…… Ekifo webaanika mukene.
2. Okuwandiika ekigambo Eddekende. ……Edde-ke-nde.
3. Ebiryo by’ensujju bwebyeyambisibwa mu mukolo ogw’ekuusa mu kufa biweebwa linnya ki? ……. Empambo.
4. Olugero: Ekyange kimaza bbiri…..… Yaaliwa ogw’omugenyi.
5. Ani yawandiika Ekitabo Omulangira Nuuhu Mbogo? ……Hasfa Nakabiri ne Mustafa Mutyaba.
6. Omukazi bw’azaala omwana omuwala n’amufaanana kiweebwa linnya ki? ……..Kweyoza mu nda.
7. Amakulu g’ekisoko: Emizimu gy’omuntu okuba nga tegyebase…….. Omuntu okufuna obuzibu n’abuvaamu mangu.
8. Kabaka Ronald Muwenda Mutebi II yabikka ddi akabugo omulundi ogw’okubiri?…… 1971.
9. Ekigambo Omufumo kikwanaganye n’omulimu gw’obuvubi……..Ekituli omuyita amazzi negayingira mu lyato.
10. Gattulula ekigambo Omulyolyomi……..
Omu-lyo-lyo-mi
11. Okufa okuyitibwa okwewungula kwekuliwa?….. Ssinga Ssaalongo aba y’afudde tugamba nti yeewungudde.
12. Olugero:Ofunda ne ndikuzaaya……..N’otabeera na ndikutta.
13. Ani yawandiika akatabo Bonna baasumagira?…. MB Nsimbi.
14. Okunaaba omuntu kisoko, kitegeeza ki?….. Okuzaala omwana omulenzi n’afaanana nnyo kitaawe.
15. Emirimu okukuliirako oluuyi kisoko……Emirimu kubeera mingi.
16. Munnaddiini ki eyabatiza Kabaka Ronald Muwenda Mutebi II? Omwawule Kasujja Gwembuga.
17. Ekigambo Taboya mu buvubi kitegeeza ki?….. Mukene omuvundu.
18. Gattulula ekigambo Eggwatiro……. Eggwa-ti-ro
19. Embeera omuganda waakulisiza banne nti mukulike omutemu nga yeekusa ku kufa…… Ssinga omuntu aba yeetuze.
20. Olugero: Nnamusava owoolumu… Takukuuza muyaji gwo.
21. Ani yawandiika akatabo Amaka gaba Wansolo?….. Kranima Kalinda.
22. Waliwo omwana omuganda gwayita Ngozi, yaaba atya? …..Omwana omuwala eyafaanana ennyo nnyina.
23. Ekisoko: Eyookuvviivi okuba nga tekyasaka….. Omuntu okukoowa ennyo nga n’enjala emuluma.
24. Omwaka Kabaka Ronald Muwenda Mutebi II weyalwanira olutalo lw’ebirumbirumbi…. 1993
25. Ekisenge kya nnyinimu kiweebwa linnya ki?…. Ggandalyassajja.
26. Olugero: Kwata noowaayo… Ngayasikira bisikire.
27. Ekitonde nga bwekiremererwa okudduka ku mulabe kikwekako mutwe gwokka?….. Mmaaya.
28. Amasaza ga Buganda abiri omuli amasiro ga ba Ssekabaka abasukka mu omu……. Kyaddondo ne Busiro.
29. Bwosanga omukazi ng’abikka enswa omulamusa otya?….. Tebamulamusa.
30. Akabonero ka Buganda kaliko Engoma erina bukulu ki?….. Etegeeza nti abantu ba Uganda balina ebyobuwangwa era babikkiririzaamu.
31. Abasogola embidde n’ebigere basobola okukikola mu ngeri bbiri, ziriwa? …..Bateeka amabidde mu lyato oba olutyatya.
32. Kizira omukazi owoolubuto okutunula mu ntaana, lwaki?….. Omwana gwazaala taziba kawompo.
33. Omukazi akulira effumbiro ly’omulubiri ery’abakazi……. Nakasala.
34. Tuwe erinnya eddala lyoyinza okutegeeza amaaso ga Wamala……. Amalongojje.
35. Ekika ky’emmere ekyataasa nga ennyo abaganda ensi bweyagwangamu enjala ng’emmere ebulidde ddala, mmere ki? ……Kaama.
36. Emmere bweba eyokya nnyo Omuganda agamba nti agifumbye yagifumbye ayomba, kira ki kyebawanuuza…….. Nti kubali ku lujjuliro kuliko baabadde bategekedde.
37. Olugero: Ekitali kyogere… Kizimba ku mwoyo.
38. Omuzira mu Bazira w’Entanda ya Buganda 2008, yafuna ettaka. Liri luddawa?…… Nsangi Busiro.
39. Enguuli mu lulimi oludda ku bisolo kitegeeza ki?…. Enjovu enkadde.
40. Omwana omuwere bwabooga, nnyina afuna obubaka, bubaka ki? ……Nti omwana aba ajja kugejja.
41. Okukwata omwaliiro kisoko kitegeeza ki?…. Byokola okutambula obulungi.
42. Engoma ezitendereza omutonzi tebakuba nkube, bazikola ki?……. Baziwuunya.
43. Mu bantu abavunaanyizibwa ku kiwu kuliko n’omukazi, aweebwa linnya ki?……. Nnakijoba.
44. Omuzira mu Bazira Ronald Mulondo yafunawa ettaka? ………Bbombo Kalule.
45. Olugero: Baamutta…….. Akira yafa.
Bitegekeddwa: Kamulegeya Achileo K
