Ennyonyi Nnyange ekubye Emmamba Namakaka mu mpaka z’okubaka ez’ebika by’Abaganda eza 2025, ku bugoba 32 : 27.
Omupiira ogw’akamalirizo gunyumidde mu kisaawe e Wankulukuku.
Katikkiro wa Buganda Charles Peter Mayiga, abawanguzi abakwasizza engabo n’obukadde bwa shs 7.
Mu ngeri yeemu, empaka z’omupiira ogw’ebigere zijiddwako akawuuwo, bazzukulu ba Kanyana abeddira Engabi Ennyunga ne bazzukulu ba Kabazzi ab’Akasimba bebagguddewo, ku ggoolo 1:1.
Ggoolo y’Engabi eteebeddwa Yiga Derrick, ate Elias Kiyemba naateeba ey’Akasimba ebadde ey’okusimula Penati.
