President wa Uganda Gen. Yoweri Kaguta Museveni Tibuhaburwa atabukidde government ezasooka olwobutawa kitiibwa ddembe ly’obuntu, omwali n’okutemula abakulembeze
Abadde ku mikolo gyokujjukira eyaliko Ssaabalabirizi w’ekanisa ya Uganda Janan Luwumu e Mucwini mu distric ye Kitgum gyeyaziikibwa.
President Museveni ategeeza nti ebikolwa bya Idi Amin eby’okutulugunya bannansi, byawumuwaliriza okwesogga ensiko okubiwakanya.
Janaan Zakaliya Luwum yali Ssaabalabirizi wa Uganda, Rwanda ne Boga Zaire, era Ssaabalabirizi omuddugavu eyasookera ddala.
Museveni avumiridde nnyo ebikolwa eby’okutta abantu nategezeezza nti abakola kino batitiizi.
President Museveni nemukyalawe Janet Museveni baganzise ekimuli ku ntaana ya Janan Luwum.
Ssabalabirizi wekanisa ya Uganda Kitaffe mu Katonda Dr Steven Kazimba Mugalu, akulemveddemu okusaba kw’okujjukira Ssaabalaburizi Luwuumu, aaabye president Museveni okuyiimbula bannauganda abali mu makomera, nga baasibwa lwa byabufuzi.
Ssabalabirizi Janani Luwum yattibwa nga 16 February 1977, ng’alangibwa okulwanirira eddembe ly’obuntu
Ajjukirwa nnyo olw’okunywerera ku mazima era omulwanirizi w’eddemebe atawunyikamu.
Mu mwaka 2016 government ekulemberwa Yoweri Kaguta Museveni yaasalawo olunaku erufuule lwakuwummula, era mu mwaka guno 2026, lwegiweze emyaka 49 bukyanga atemulwa president eyaliko Idi Amin, ng’amulumiriza okusekeeterera government ye.
Wabula government yategeeza nti yafa kabenje.
Bisakiddwa: Ssebuliba Julius
