Empaka z’Amasaza ga Buganda ez’omupiira ogw’ebigere zongedde okusitula ebitone n’okuliikiriza liigi ya babinywera eya Uganda Premier League, nga kati omuzannyi Elvis Ssekajugo yegasse ku club ya Express mukwano gw’abangi.
Elvis Ssekajugo abadde muzannyi wa ttiimu y’essaza Ssingo, era yabadde musaale nnyo okugiyambako okutuuka ku fayinoli ya Masaza ey’omwaka guno 2025, Buweekula mweyajisuuzizza ekikopo yabakubye goolo 1-0 e Nakivubo.
Elvis Ssekajugo wagendedde mu Express mukwano gwabangi, alese Ssingo agizanyidde emyaka 3 okuva lwe yatandika okubazannyira mu 2023.
Yasooka kuzannyira ttiimu y’essaza Mawokota mu 2020, kyokka oluvanyuma yegatta ku Buweekula mu 2022.
Mu kiseera kino Elvis Ssekajugo yatandiseko dda ku lugendo lwe olw’okuzanyira Express season eno.
Bisakiddwa: Issah Kimbugwe
