Emizannyo gy’amasomero ga secondary agali ku musingi gw’Obusiramu egya UMEA Solidarity Games season ya 2025, mu butongole gigguddwawo ku ssomero lya Namagabi SS e Kayunga, era amasomero ku mulundi guno gajjumbidde nnyo okusingako omwaka oguwedde 2024
Obululu bw’ebibinja mu mupiira ogw’ebigere ogw’abalenzi bwebusoose okukwatibwa, era abategesi aba Namagabi SS bali mu kibinja G ne Alinga SS, Kyantamba SS ne Nkoma SS n’ebibinja ebirala.
Mungeri yeemu n’ebibinja by’okubaka bikakasiddwa, nga mu kibinja B mulimu Gombe SS, Ngando SS, Bilal Islamic, Mutugga Mixed ne Kisaasi Muslim.
Amasomero agasobye mu 100 gagenda kuvuganya mu mizannyo okuli omupiira ogw’ebigere, okubaka, Volleyball, Handball, Table Tennis ne Badminton, ewamu n’emizannyo emipya okuli Chess ne Scruble.
Minister omubeezi ow’ebyensimbi n’okutekeratekera eggwanga, era nga ye mubaka wa Ntenjeru North, Amos Lugoloobi, bw’abadde aggulawo empaka zino asabye abakulu ba masomero okulwana okusiga ensingo ey’obumu mu bayizi kuba kkubo ddene ery’okuzimba Uganda ey’enkya.
Amasomero agasobye mu 100 gagenda kuvuganya mu mizannyo okuli omupiira ogw’ebigere, okubaka, Volleyball, Handball, Table Tennis ne Badminton, ewamu n’emizannyo emipya okuli Chess ne Scruble.
Masaka SS be bategeka empaka z’omwaka oguwedde 2024, Kibuli SS bebaaziwangula.
Bisakiddwa : Isah Kimbugwe
