Obwakabaka bwa Buganda butongozza olukiiko olugenda okuddukanya empaka z’amaato mu kumutendera gw’amasaza okumala emyaka esatu.
Olukiiko olutongozeddwa lukulemberwa Eng. Ben Misagga, amyukibwa Faridah Nakazibwe ,Morris Mukiibi w’amawulire ,Omuwandiisi Akullo Olive ,Ronny Mutebi Nsubuga ye Muwanika ,Derrick Kavuma munnamateeka n’abalala.
Omukolo gw’okutongoza akakiiko gubadde ku mbuga enkulu eyobwa Kabaka e Mengo.
Minister w’ensonga z’abavubuka, emizannyo n’okwewummuza mu Bwakabaka Owek Henry Moses Ssekabembe Kiberu asabye abakulembeze okunyweza entambuza y’emizannyo egyenjawulo nga bateekamu obudde, kiyambe emizannyo okweyimirizaawo.
Asabye olukiiko okumanyisa abantu ba Ssaabasajja Kabaka n’okubaagazisa omuzannyo gw’amaato basobole okugwettanira, okutumbula ebitone n’okwekulakulanya.
Ssentebe w’olukiiko olulondeddwa Eng.Ben Misagga asuubizza nti ng’olukiiko betegrese okufuula pmuzannyo gw’amaato ogw’ettutumu.
Bisakiddwa: Nakato Janefer
