Obwakabaka bukoze enteekateeka ey’okwongera okukubiriza abantu okulima emmwanyi mu bungi, n’okukuuma omutindo gwazo wadde nga waliwo bannabyabufuzi abagenderera okubamalamu amaanyi.
Omumyuka owookubiri owa Katikkiro wa Buganda era minister w’ebyensimbi Past District governor Oweek Rotarian Robert Waggwa Nsibirwa agambye nti Buganda tegenda mudda mabega ku nteekateeka eno, era nga bwakuyita mu kitongole kya BUCADEF ne kampuni ya Mmwanyi Terimba Ltd okusitula omutindo gw’emmwanyi.
Owek Waggwa abadde atikkula oluwalo abantu ba Ssabasajja Kabaka okuva mu Ssaza Butambala ,Bugerere ,Singo n’ebibiina okubadde ekya Balungamya b’emikolo wamu ne DP Bloc kumukolo ogubadde mu Bulange Mengo.
Oweek Nsibirwa agumizza abantu ba Ssabasajja Kabaka nti obwakabaka bwamazedda n’okugula ettaka e Nakisunga mu Kyaggwe okwongera omutindo ku mmwanyi.
Agambye nti ebitongole bino bigenda kwongerwamu amaanyi okukola emirimu egibadde gikolebwa ekitongole kya Uganda Coffee Development Authority ekyagyiddwawo government eya wakati, emirimu gyakyo negidda mu ministry y’ebyobulimi obulunzi n’obuvubi.
Nsibirwa asabye abantu ba Ssabasajja Kabaka obutava kumulamwa gwakulima Mwanyi, nabalabula kubantu abaabalimbalimba okwenyigira mukulima ebintu ebirala ebitalambikiddwa bulungi.
Ssente ezisukka mu Bukadde 43 z’ezireteddwa abantu abakiise embuga, ng’esaza Butambala lireese sente ezisuka mu Bukadde 9 ,Bugerere ezisuuka mu bukadde 8,Singo zisuuka mu 2
Esomero lya MUMSA High School obukadde 4, Aboogezi bokumikolo 3 ,Dp Bloc obukadde 13.
Bisakiddwa: Nakato Janefer
