Akakiiko akaggya akÉbyobulamu mu Bwakabaka katongozeddwa, nekasabwa okubaga entekateeka yÓkutumbula ebyobulamu mu Bwakabaka, kiyambeko mu nkulaakulana eyegombwa.
Bwabadde atongoza Boodi eno mu Butikkiro , Kamalabyonna wa Buganda Charles Peter Mayiga agambye nti okutumbula ebyobulamu kyekimu ekiraga enkulaakulana y’eggwanga, wabula nga kirina kutandikira mu bantu babuligyo kwekolamu mulimu, okulwanyisa endwadde enyangu okumegga.
Katikkiro asabye boodi empya okumanya nti ebyafaayo by’Obwakaba eri Ebyobulamu mu Uganda eyawamu byava dda nnyo, era babitambulizeeko Obuvunaanyizibwa obubaweereddwa.
Minister wÉbyobulamu mu Bwakabaka Owek Chotilda Nakate Kikomeko, yebazizza boodi ewummudde olwokuteeka ettoffaali eddene ku kisaawe kyÉbyobulamu mu Buganda.
Boodi empya ekulemberwa Dr. Nassanga Jane Ruth nga ye ssentebe waayo azze mu bigere bya Dr Fred Mutyaba ssentebe omuwummuze, omumyuka wa ssentebe omuggya ye Dr. Kakooza Francis.
Ku ba memba ba boodi empya kuliko Dr. Nicholas Mugagga akulira eddwaliro lya St Joseph Hospital e Wakiso, Dr. Abbas Kabugo, Kalungi James Kamanje ,Dr. Naluggya Betty, Venatious Bbaale Kirwana, Mubiru Micheal ne Francisca Kakooza munnamateeka.#
