Mu kujjukira ameefuga ga Uganda omulundi ogw’e 63 ku kisaawe ky’ameefuga e Kololo, Bendera ya Uganda ezzeemu okuwanikibwa ng’akabonero k’okulaga ensi yonna, nti Uganda ggwanga eryetengeredde era lyefuga.
Uganda yafuna obwetwaze nga 09 October,1962 okuva ku government ya Bungereza eyali ey’abafuzi b’amatwale.
Mu kiro ku ssaawa mukaaga ezatandandika olunaku olwa ng 09 October,1962 bendera ya Bungereza eya Union Jack yassibwa okuva ku mirongooti gya Uganda, olwo bendera ya Uganda newanikibwa, nerifuuka eggwanga eryetengeredde era eryefuga.
President wa Uganda Yoweri Kaguta Museveni asinzidde ku mukolo guno naasaba amawanga ga East Africa okwongera okukolera awamu okwekulakulanya, nga gayita mu by’obugagga eby’ensibo byegalina, ebyobusuubuzi, obutonde bw’ensi, eby’obutebenkevu n’ebirala.
Ebyo nga bikyali bityo, mu kukuza amefuga ga Uganda gano agemyaka 63, bannauganda 23 abakoledde eggwanga lino eby’enkizo, baweereddwa emidaali gy’abaziira.
Kuliko Hajj Mayanja Mohammed Sadik owe Pallisa, Byanyima Kusaba Rosemary owe Ibanda, Kisolo Akisophel we Sironko, Kigula Joseph Brown Mugambe we Wakiso, Otim Maxwell Onapa we Alebtong.
Abalala ye Haji Nyakahuma Daudi we Bunyangabu, Lawrence Omulen Levy we Pallisa, Bishop Oullo Simon Peter we Pallisa, Pastor Fredie Sekyewa we Kyotera, Elidad Nyanja we Kyotera, Rose Namusisi we Mityana, Alex Jagenu we Zombo, Kwesiga Kweyunga Robert we Ntungamo.
Abalala ye Mbalyowere Nuruh Nsambu we Kampala, David Okiring we Kumi, Jane Nakaliika we Rakai, Jane Apite we Koboko, Okwee Eddy Tommy we Lira, Vanice Mirembe we Mbarara, nabalala.#
