Amawanga agaawaayo Abajaasi okukwasizaako government ya Somalia okukuuma emirembe gasobeddwa ,oluvannyuma lwÓbutafuna nsimbi zegawa baserikale kutuukiriza biruubirirwa byago.
Ensimbi obuwumbi bwa doola za America 96 nga zino zibalirirwaamu eza Uganda Trillion 351,070, 732,800 , zezibanjibwa abakuuma ddembe okumala kati emyezi esatu.
Akulira Omukago gwÁmawanga ga Africa mu kulungamya Ébyobufuzi Bankole Adeoye asinzidde ku Mestil Hotel e Nsambya , nategeezezza nti emirimu egirina okukolebwa mu Somalia gyetaaga obukadde bwa doola 15 buli mwezi bwebuwumbi bwa Uganda obuwumbi 54,954, songa baweebwa doola obukadde 16 zokka okumala omwaka mulamba.
Amawanga gano agatwaala obuvujjirizi bwÁbaserikale mu Somalia okuli Uganda , Kenya, Ethiopia, Djibouti námalala, gasanze okusomoozebwa okuwerako omuli abaserikale obutafuna Nsako mu budde , Amafuta agatamala, Emmere etamala nebirala bingi, nga zeezimu ku nsonga abakulu mu mawanga gano zeboogeddeko olwaleero.
Abakulu mu mawanga bagamba nti ebbula lyÉnsimbi nÉbyetaago ebirala lyakufuuka olufumo ssinga amawanga nga China , Japan ne Korea gatuukiriza obweyamo bwaago okweegatta ku lutalo lwÓkuzzaawo emirembe mu Somalia.
Minister w’obutebenkevu n’abaazirwanako Oboth Oboth agambye ategeezezza nti wadde embeera eri bwetyo, naye wakyetaagisaayo abajaasi abalala 8000, okugattibwa ku bajaasi 11,146 abakuuma emirembe mu Somalia.
Yebazizza omukago gwa European Union, USA, Bungereza, n’omukago gw’amawanga amagatte, olw’obuvujjirizi bwebazze bawaayo mu nteekateeka eno okuva mu 2007.
Agambye nti kyekiseera African Union okwekolamu omulimu okutuuliriza ensonga z’okuteebenkeza Africa.
Kinajjukirwa nti omukago ogwa African Union Support and Stabilization Mission in Somalia gwakwasibwa obuvunanyizibwa okukuuma Obutebenkevu mu Somalia, okuva mu gwali omukago ogwa African Union Transition in Somalia.
Bisakiddwa: Kato Denis
