Ensimbi akawumbi ka shillingi kamu n’Obukadde lusanvu mu Nkaaga ( shs 1.760 billion) zezireeteddwa abantu ba Kabaka mu nkola ya Luwalo Lwange, omwaka guno 2025.
Ku nsimbi zino Obukadde 163 zezireeteddwa abantu ba Kabaka okuva mu Masaza agenjawulo, omubadde Ankole Kigezi ne Rwenzoori anasangibwa ebweeru wa Buganda mu Uganda, Bungereza, Kape province ne South West America.
Essaza lya Kabaka Kyaddondo lyerikyaleebezza Masaza amalala mu kuleeta ensimbi ennyingi mu Luwalo, liddiriddwa Buddu, Busiro nekwata kyakusatu, Ssingo kyakuna, ate mu gakwebedde mubaddemu Kabula, Buvuma ne Buluuli.
Wabaddewo okulinnya mu nsonda y’Ensimbi z’Oluwalo mu magombolola , Amasaza n’Abantu kinoomu, nga gombolola okuli Mutuba 9 Kibinge mu Buddu y’ekyaleebya gombolola zonna, neddirirwa Mutuba gumu Bukuya mu Ssingo.
Essaza lye Bungereza lyongedde amaanyi mu kusonda ensimbi ,bweriseseetuse okuva ku bukadde 12 bwezaaleta mu 2024, Okudda ku bukadde 21 omwaka guno 2025.
Hassan Mukiibi okuva mu Ssaza Buddu ye Muntu kinoomu asinze okusonda ensimbi ,nga aleese Obukadde 25 omwaka guno gwokka.
Minister wa gavumenti ezebitundu mu Bwakabaka era nga yavunaanyizibwa ku kulambula kwa Kabaka Owek Joseph Kawuki, asinzidde mu Bimuli bya Bulange e Mengo n’agamba nti byonna ebituukiddwako Maanyi ga Ssaabasajja, abantu mwebayise okunnyikiza federo ey’ebikolwa.
Bisakiddwa: Kato Denis
