Abawanguzi mu kazannyo ka Radio ya Kabaka CBS Bbingwa wa Mabingwa 2025 baweereddwa ebirabo ssemalabo byebawangula mu mpaka zino, mwebeebalizza CBS okutumbula ebitone nÓkumanya mu kisaawe kyÉbyemizanyo nÉmpuliziganya.
Abakwaasiddwa ebirabo mulimu omuwanguzi wa Bbingwa wa Mabingwa Mujabi Abdul afunye Pikipiki okuva mu Haojue ne kavu wa kakadde kamu némitwaalo abiri okuva mu MTN Uganda, Kawooya Shafic obukadde bubiri, ne Bukenya Andrew akakadde kamu.
Mu Bbingwa Toto Ssekandi Isaac owa Man U ne Vipers asitukidde mu kakadde kamu nekitundu okuva mu MTN, Boogere Brigam owa Vipers ne Liverpool akakadde kamu, ate Kisenyi Robert emitwaalo ataano.
Bwabadde ayogerako eri abawanguzi ku mukolo ogwokubakwaasa ebirabo mu Masengere, senkulu wa Radio ya Kabaka CBS Omuk Michael Kawooya Mweebe , agambye nti program nga Bbingwa eyambye nnyo abavubuka okubaako ebintu ebyenjawulo ebizimba byebamalirako obudde, nebateenyigira mu kumenya mateeka.
Mildred Nsinda Kasirye nga yakiikiridde abakulu mu MTN agambye nti ku myaaka 27 MTN gyeyaakamala mu Uganda yakwongera okunyweeza enkolagana yaayo ne CBS, kyokka neyeeyama nti bingi ebisuubirwa okuva mu MTN eri abawanguzi abenjawulo.
Amyuuka akulira ebigenda ku mpewo KU CBS Martin Oscar Kintu yeeyamye nti Bbingwa wa Mabingwa 2026 agenda kubeera musuffu kwoono, neyeebaza abavujjirizi gonna akwaatiddeko CBS.
Ssenkulu wa BBS terefayina Omuk Eng Patrick Ssembajjo, naye yeeyamye nti BBS yaakukolaganira wamu ne bannamikago abalala.
Abawangudde ebirabo mu bbingwa bebazizza Ssaabasajja wamu nÓlukiiko oluddukanya Radio ye CBS, era nebeeyama okukozesa obulungi ensimbi nÉbintu ebikalu ebibaweereddwa.
Bbingwa 2025 awagiddwa MTN Uganda, Widest International, Haojue kampuni ya Pikipiki , Jude color solutions limites, Caso Junior school , Tabula Properties nÁbalala bangi.
Bisakiddwa: Kato Denis
