Katikkiro wa Buganda Charles Peter Mayiga awadde Abalunzi bÉnkoko nÉbisolo amagezi bettanire tekinologiya mu byebakola, kikendeeze ku nsimbi zebamalira mu nkola yÉmirimu.
Katikkiro abadde asisinkanye abalunzi bÉnkoko mu ggwanga lyonna abeegattira mu mukago ogwa Poultry Association of Uganda, abakiise embuga nÉttu lya Bukadde bwa shs 9, nÓkutegeeza Obuganda ku mwoleso gwÁbalunzi bÉnkoko ogugenda okubeera ku kisaawe kya Old Kampala, okuva nga 9–11/10/2025.
Katikkiro agambye nti obutakozesa tekinologoya mu Bulunzi buviiriddeko bangi ku balunzi okufiirizibwa ensimbi, ekiziηamizza enkulaakulana yÁbantu nÉggwanga.
Katikkiro mungeri eyenjawulo asabye Abali mu mulimu gwÓkulunda Enkoko, okuyigiriza Abaana emirimu nga bakyali bato, bafune obukugu obugibezaawo ne mu biseera ebizibu ng’abaatandika emirimu egyo bavuddewo.
Minister wÉbyobulimi Obuvubi nÓbweegassi mu Bwakabaka Owek Hajji Hamis Kakomo, agambye nti okulunda mu Bwakabaka kimu ku biragiro lya Beene, neyeebaza abalunzi bonna.
Minister wÁbavubuka ebyemizanyo nÉbitone Owek Robert Sserwanga Ssalongo, yebazizza Abantu mu Buganda okukwata Omumuli gwÓkulunda Enkoko, naasaba bonna abalina ebirowoozo byÓkulunda okwettanira Abakugu mu Kulunda.
Ssenkungu Peter nga ye ssabawandiisi wÓmukago ogugatta Abalunzi bÉnkoko ogwa Poultry Association of Uganda, asabye abantu ba Buganda ne Uganda okujjumbira okulunda , kuba ziyambako nnyo mu kugoba obwavu mu maka mu bbanga ettono, ate nga ezimba Omubiri.
Badru Wasaggo ku lwa kampuni entabuzi zÉmmere yÉbisolo nÉnkoko eya LION PRO Uganda limited, alabudde abalunzi ku birungo ebijingirire ebiri ku katale, naabasaba okugenda mu mwoleso gwÓbulunzi babangulwe.
Ezimu ku Kampuni ezikiise embuga mubaddemu Ugachick, Urban farmers, Kenchic, Yakuku, Biyinzika Pearl chicken, ERAM Uganda limited, Quantum foods, Neutralnova group nabalala.
Bisakiddwa: Kato Denis
